BETHBORIN.KH

Thursday, June 15, 2017

ខួប៥៥ ឆ្នាំ (១៥ មិថុនា ឆ្នាំ១៩៩៦២-១៥ មិថុនា ឆ្នាំ២០១៧) ប្រាសាទព្រះវិហារឈ្នះក្ដីលើភាគីថៃ

ថ្ងៃនេះជាខួប៥៥ ឆ្នាំ ( (១៥ មិថុនា ឆ្នាំ១៩៩៦២-១៥ មិថុនា ឆ្នាំ២០១៧) ដែលសម្តេចព្រះបរមរតនកោដ្ឋ បានយកឈ្នះថៃក្នុងរឿងប្រាសាទព្រះវិហារ (តុលាការយុត្តិធម៌អន្ដរជាតិ ទីក្រុងឡាអេ បានសម្រេចឲ្យកម្ពុជាឈ្នះក្ដីលើភាគីថៃ ក្នុងសំណុំរឿងប្រាសាទព្រះវិហារ។)។ បើមិនមានថ្ងៃនោះទេប្រហែលពេលនេះខ្ញុំត្រូវបានឈរថតមិនមែននៅលើទឹកដីមោទនភាពរបស់ខ្លួនឯងហើយ ។

ប្រាសាទព្រះវិហារ (Prasat Preah Vihear) ស្ថិតក្នុងភូមិស្វាយជ្រំ ឃុំកន្ទួត ស្រុកជាំខ្សាន្ត នៅលើខ្នងភ្នំដងរែក (៨០០ គុណនឹង ៤០០ ម៉ែត្រការ៉េ)។ ដងភ្នំនេះមានលក្ខណៈចោទខ្លាំងពីខាងប្រទេសកម្ពុជា និងជម្រាលពីខាងប្រទេសថៃ។ ប្រាសាទព្រះវិហារមានចម្ងាយ៤០៥គីទ្បូមែត្រពីទីក្រុងភ្នំពេញ តែបើគេធ្វើដំណើរចេញពីទីរួមខេត្តព្រះវិហារវិញ វាមានចម្ងាយត្រឹមតែ១០៨គីឡូម៉ែត្រត្រប៉ុណ្ណោះ ដោយធ្វើដំណើរតាមផ្លូវលេខ២១១ ទៅកាន់ស្រុកជាំខ្សាន្ត។ នៅឯភ្នំដងរែកនោះមានជណ្ដើរមួយ ដែលអាចឲ្យគេឡើងទៅដល់កំពូលភ្នំ ដែលជាទីតាំងរបស់ប្រាសាទព្រះវិហារស្ថិតនៅ។

ប្រាសាទព្រះវិហារគឺជាតំបន់ប្រវត្តិសាស្ត្រមួយដែលមានឈ្មោះថា សេការីស្វារៈ មានន័យថា អំណាចនៃភ្នំ(សម្រាប់ឧទ្ទិសថ្វាយព្រះឥសូរ) ហើយត្រូវបានសាងសង់ឡើងនៅក្នុងអំលុងចុងសតវត្សទី៩ និងដើមសតវត្សទី១០ តាមរចនាបថបន្ទាយស្រី ដែលបានកសាងដោយព្រះមហាក្សត្រ៤អង្គព្រះនាម៖
១.ព្រះបាទយសោវរ្ម័នទី១ (សាងសង់ក្នុងគ.ស ៨៨៩-៩១០)
២.ព្រះបាទសូរ្យវរ្ម័នទី១(សាងសង់ក្នុងគ.ស ១០០២-១០៥០)
៣.ព្រះបាទសូរ្យវរ្ម័នទី២ (សាងសង់ក្នុងគ.ស ១១១៣-១១៥០)
៤. និងព្រះបាទជ័យវរ្ម័នទី៦ (សាងសង់ក្នុងគ.ស ១០៨០-១១០៩)។

Tuesday, March 29, 2016

ប្រថ្នូលមិនល្អ

គិតត្រឹមម៉ោង ១២ ថ្ងៃទី២៩ ខែមីនា ឆ្នាំ២០១៦ នៅសុខៗ ខ្ញុំមានប្រថ្នូលមួយសម្រាប់ខ្ឡួនខ្ញុំផ្ទាល់ គឺប្រថ្នូលស្លាប់ ខ្ញុំមិនដឹងថាវាជាការពិត ឬគិតអារម្មណ៍ទេ ។ តែវាក្លាយជាមន្ទិលហើយ សង្ឃឹមថាវាមិនក្លាយជាការពិតទៅចុះ អ្នកណាក៏ចង់រស់ដែរ តែមិនដឹងថារស់យ៉ាងណាឲ្យមានន័យ ។ ថ្ងៃមិនស្លាប់ថ្ងៃស្អែកក៏គង់គេចមិនផុត តែគ្រាន់តែចង់បានពេលវេលាសមគួរមួយតែប៉ុណ្ណោះ ។ ខ្ញុំសរសេរវាឡើងប្រសិនបើរឿងនោះកើតឡើងមែនក៏វាជាព្រហ្មលិខិត រាងកាយជារបស់អនត្តាគ្មានអនកណឯណា មានសិទ្ធិឃាត់ឃាំងបានឡើយ ។ បើវាជាការពិត ពិតជាមានការសោកស្ដាយខ្លាំងណាស់មានរឿងជាច្រើនខ្ញុំមិនទាន់បានធ្វើ ....។
ជាមនុស្សបរាជ័យ (ការសិក្សា ការងារ ស្នេហា) តែខ្ញុំខំរស់ដើម្បីមនុស្សមួយចំនួន ទោះដឹងថាពេលខ្លះមិនចង់នៅមើលផែនដីនេះ តែគ្រាន់តែមិនចង់ឲ្យវាចប់នៅពេលនេះ សុំពេលច្រើនបន្តិចទៀត។ មច្ចុរាជខ្ញុំបានតថ្លៃជាមួយអ្នកម្ដងជាពីរដងហើយ តែវាមិនទាន់សម្រេចគោលដៅនៅ ឡើយទេសង្ឃឹមថាអ្នកមិនមកយកបំណុលចាស់ទៅចុះ ព្រោះអ្នកបានសន្យាម្ដងហើយថាព្រមតាមសំណើម្នាក់នេះ តែពេលនេះនៅមានរឿងច្រើនមិនទាន់បានសម្រេចទេ។
ពិភពលោកវាធំសម្រាប់មនុស្សទូទៅតែសម្រាប់មនុស្សគ្មានទំនុកចិត្តវាតូចចង្អៀតពេកហើយ ខ្ញុំមិនដែលធ្វើអ្វីមិនល្អ មិនដែលមិនស្មោះត្រង់ មិនដែលព្រព្រឹត្តមិនគប្បីអ្វីទេ តែហេតុអ្វីបានជាខ្ញុំជួបតែរឿងរងកម្ម មានទុក្ខរាប់សិបរាប់មិនអស់ ។ តើជាតិមុនខ្ញុំបានសាងអ្វីមិនល្អសោះ ហេតុអ្វីអ្នកឲ្យកំណើតខ្ញុំមកមានតែការលំបាកគ្រប់យ៉ាងបែបនេះ ។

Monday, March 7, 2016

រញ្ជួយចិត្តសម្រាប់មនុស្សដែលខ្លួនស្រឡាញ់

មិនដឹងថាវាជាអារម្មណ៍ស្រឡាញ់ ឬយ៉ាងណាទេតែវាជាអារម្មណ៍ដែលកើតចេញពីចិត្ត នៅពេលដែលចាប់ផ្ដើមនិយាយ ឬ ចាប់ផ្ដើមឆាត(Chat) ជាមួយនឹងគេពាក្យសម្ដីគេឆាតមកអាចធ្វើទង្គិចបេះដូង (Touch my heart )របស់ខ្ញុំបាន។ ជាធម្មតាខ្ញុំជាមនុស្សចិត្តរឹងមិនងាយចុះញ៉ម ឬតាមអ្នកណាឡើយ ហើយពាក្យសម្ដីរបស់អ្នកផ្សេងក៏ខ្ញុំមិនដែលខ្វល់ដែរ ។ តែសម្រាប់គេពាក្យមួយឃ្លាៗ ដែលគេនិយាយមកគឺ មានអារម្មណ៍ថាដូចជាស្រៀវឆ្អឹងខ្នង បះរោម ព្រឺសម្បុរ។ ជាមិត្តភាពយូរមកហើយ ធ្លាប់ទៅណាមកណាជាមួយគ្នា ធ្លាប់ដើលេងញ៉ាំអីជាមួយគ្នា ខ្ញុំមិនអាចគ្រប់គ្រងខ្លួនឯងឲ្យរក្សាគេត្រឹមជាមិត្តភាព ចិត្តរបស់ខ្ញុំបានទាមទារវាលើសពីហ្នឹង តើអាចបានទេ? ជានិច្ចកាលខ្ញុំតែងតែសួរខ្លួនឯង តើខ្ញុំពិតជាស្រឡាញ់គេមែនទេ? កុំអ៊ីចឹងអី គេជាពួកម៉ាកទេ អារម្មណ៍មួយទៀតបានបញ្ជារ តែទីបំផុតខ្ញុំបានដឹងការពីត ពីខ្លួនឯងថាខ្ញុំពិតជាបានលួចស្រឡាញ់គេពិតប្រាកដមែន ។

រំលឹករឿង២ នៅថ្ងៃទី២៦ កុម្ភៈ កាលពី ៦ឆ្នាំមុន (២០០៩)

ជួបឧបទ្ទវហេតុត្រូវរថយន្តប៉ះ នៅម៉ោង១៣ និង ១០នាទីពេលរសៀល នៅខេត្តកំពត ជាថ្ងៃធ្វើឲ្យខ្ញុំខ្លាចជាងគេ ជានិច្ចកាលឲ្យតែថ្ងៃនេះខ្ញុំនឹងមិនហ៊ានទៅណាផ្ដេសផ្ដាសឡើយ ព្រោះស្រមោលនៃរឿងវាបានដកជាប់ក្នុងអារម្មណ៍ខ្ញុំជានិច្ច ខ្ញុំតែងតែខ្លាចវានឹងកើតឡើងម្ដងទៀត។ នឹកកាលនោះពិតជាកម្សត់ណាស់ពេលមានរឿងនេះកើតឡើងហើយគេងនៅក្នុងបន្ទប់ម្នាក់ឯង គ្មានអ្នកណាម្នាក់មកមើលសូម្បីតែម្នាក់មួយថ្ងៃបន្ទាប់ទើបអាចដើរួចទៅទៅរកទឹកកកស្អំខ្លួនឯង ។ មេរៀនជីវិតគឺមិនអាចភ្លេចឡើយ ដូច្នេះហើយទើបបង្រៀនខ្ញុំឲ្យចេះចិត្តដាច់ ។
រឿងមួយទៀតគឺនៅយប់ថ្ងៃ២៦នោះដែរ គឺជាថ្ងៃដែលខ្ញុំមានសេចក្ដីក្លាហានជាងគេ គឺដោយសារពេលថ្ងៃខ្ញុំបានជួបគ្រោះថ្នាក់ចរាចរនោះ ខ្ញុំខ្លាចមិនបានប្រាប់មនុស្សម្នាក់ដែលខ្ញុំបានស្រឡាញ់ ខ្ញុំខ្លាចបើមានរឿងងអីទៅធ្វើឲ្យមានវិប្បដិសារីចំពោះខ្លួនឯង ដោយមិនព្រមប្រាប់ទៅមនុស្សដែលខ្លួនបានស្រឡាញ់ ។ នៅក្នុងថ្នាក់វិទ្យាល័យខ្ញុំបានស្រឡាញ់ពេញចិត្តទៅលើមិត្តភក្តិរួមថ្នាក់ម្នាក់ នាងឈ្មោះសុគន្ធា តែខ្ញុំតែងតែហៅនាងថាស្រីម៉ៅ ។ ខ្ញុំបានដឹងខ្លួនថាបានចាប់ផ្ដើមលួចស្រឡាញ់នាង នៅថ្ងៃ២៩ ខែធ្នូ ឆ្នាំ ២០០៨ ពួកយើងបានស្គាល់គ្នាតាំងពីឆ្នាំ២០០៧ គឺមួយឆ្នាំបន្ទាប់ពីស្គាល់គ្នាទើបខ្ញុំបានចាប់ផ្ដើមស្រឡាញ់នាង និង ២ខែបន្ទាប់ខ្ញុំបានសារភាពប្រាប់នាង នៅយប់ ម៉ោង ៩ និង៣០នាទី ថ្ងៃ២៦ កុម្ភៈ ។
គិតមកដល់ថ្ងៃ ២៦ កុម្ភៈ ២០១៥ វាមានរយៈពេល ពីរពាន់មួយរយកៅសិបមួយថ្ងៃ (២១៩១) ត្រូវជា ១៨៩.៣០២.៤០០ និងនាទី ស្មើនឹង ៣.១៥៥.០៤០ នាទី ជាម៉ោងគឺ ៥២.៥៨៤ ម៉ោង គិតជាសប្ដាហ៍ គឺ ៣១៣ អាទិត្យ គត់។ សង្ឃឹមថាអ្នកអាចនៅ ចងចាំមនុស្សម្នាក់នេះ ដែលនៅ ស្រឡាញ់នៅ តែចាំអ្នកជារៀងរហូតមិនថាយូយ៉ាងណា មិនថាពេលណានៅតែចាំអ្នករហូត ៕

Tuesday, September 30, 2014

I'm became GooGle Bussiness Map-Up

GooGle Bussiness Map-Up #GBG #PhnomPenh
This event is to improve the quality of local information available on Maps in your neighborhood, to focus on mapping the local business information and helping businesses in your area, to add and edit their information on Maps. The more details they are able to provide, the more useful the information will be for the local users looking for information on Maps.

Registration is open and free: http://goo.gl/VFSvzv
Date: Sat, October 11, 2014
Time: 8:30:17:30
Location : Development Innovations
#296 , 271 Yothapol Khemarak Phoumin
Blvd, Phnom Penh

Thursday, July 31, 2014

បារខែមភ្នំពេញ ២០១៤

បារខែមភ្នំពេញ គឺជាកម្មវិធី សិក្ខាសាលា និងពីពណ៌បច្ចេកវិទ្យា និងសហគ្រិនភាព មួយដែលត្រូវបាបង្កើតឡើងដំបូងក្នុងឆ្នាំ២០០៩ ហើយបានបន្តធ្វើមកដល់បច្ចប្បន្ន ។ បាខែមត្រូវបានគេធ្វើទូទាំងសាកលលោក ហើយវាត្រូវបានបង្កើតឡើងក្នុងឆ្នាំ ២០០២ នៅសហរដ្ឋអាមេរិក ដោយអ្នកបច្ចេកវិទ្យាចំនួន ៣ រូប ដោយសារវាមានសារសំខាន់សម្រាប់ប្រយោជន៍ ប្រជាជនទូទៅ ត្រូវបានគេធ្វើនឹងផ្សាយបន្តសាយភាយពាសពេញសាកលលោក ។ នៅក្នុងកម្មវិធីនេះលោកអ្នកអាចមកស្ដាប់ និង ចែករំលែកបទពិសោធន៍ផ្សេងៗ ផងដែរ។

ការចុះឈ្មោះចូលរួម បារខែមភ្នំពេញ ២០១៤ បានចាប់ផ្ដើមបើកហើយ!

ធ្វើវាឃ្មិនបារខែម កំពង់ចាម

បារខែមកំពង់ចាម ២០១៤ នឹងប្រារព្ធធ្វើឡើងជាផ្លូវការនៅថ្ងៃទី ១៩-២០ ខែកក្ដដា ឆ្នាំ២០១៤ ចាប់ពី ម៉ោង ៧ ព្រឹក ដល់ ម៉ោង ៥រសៀល ។ យើងនឹងប្រារព្ធនៅសាកលវិទ្យាល័យ ជា ស៊ីម កំចាយមារ សាខាកំពង់ចាម ។
ទីតាំង៖ សាកលវិទ្យាល័យ ជា ស៊ីម កំចាយមារ សាខាកំពង់ចាម

អាស័យដ្ឋាន៖ ផ្លូវជាតិលេខ៧ ក្រុងកំពង់ចាម ខេត្តកំពង់ចាម ព្រះរាជណាចក្រក្ពុជា.

ជួបជាមួយខ្ញុំនៅប្រធានបទចំនួន ពីរ ៖ ១ វិធីសាស្ត្រផ្ទុករូបភាព វីដេអូ និងការចែករំលែកលើអ៊ីនធឺណិត និង ២ យុទ្ធសាស្ត្រផ្សព្វផ្សាយព័ត៌មានដល់ក្រុមគោលដៅ ។ ខ្ញុំនឹងចែករំលែកបទពិសោធន៍ បូករួមទាំងចំណេះដឹងដែលខ្ញុំមាន ទៅដល់ អ្នកស្ដាប់ ថាយើងអាចមានវិធីសាស្ត្រយ៉ាងណាស សម្រាប់ផ្សព្វ ផ្សាយ ព័ត៌មាន និងចំណេះដឹងទៅដល់ក្រុមគោល (ប្រធានបទទី១) ដោយយល់ពី គន្លឹះ តិចនិច និង យុទ្ធសាស្ត្រក្នុងការផ្សាយផងដែរ ។ សម្រាប់ទាក់ទងនឹងប្រធានបទទី ២ ខ្ញុំនឹងបង្ហាញ ពីការបង្កើតវីដេអូ ខ្លីៗ ដោយខ្លួនឯងដោយការប្រើស្មាតហ្វូន (Android phone ) ការទុករូបភាពនៅលើបណ្ដាញអនឡាញមានដូចជា (Flikr, Instagram , Amazon cloud ) ការទុកវីដេអូនៅក្នុងឆានែល Youtube ជាដើម។ ជួបគ្នាឆាប់ៗៗណា

Monday, June 16, 2014

Father's Day ដ៏សោកសៅសម្រាប់ខ្ញុំ

នៅទិវានេះគេម្នាក់ៗគេបានជូនពរប៉ា គេបានបង្ហាញក្ដីស្រឡាញ់ចំពោះប៉ា គេបានជូនកាដូ គេបានជូនប៉ាទៅទីកន្លែងកម្សាន្ត កន្លែងញ៉ាំអី តែសម្រាប់ខ្ញុំគឺខ្ញុំគ្មានថ្ងៃនោះដូចគេទេព្រោះតាំងពីដឹងក្ដីមក ខ្ញុំមិនដែលចេះប្រើពាក្យថាប៉ានោះទេ ហើយខ្ញុំក៏មិនដែលស្គាល់មុខប៉ាយ៉ាងម៉េចដែរ? តើមានអ្នកណាខ្លះធ្លាប់ដឹងពី អារម្មណ៍ដែលគ្មានប៉ា ? អ្នកផ្សេងអាចនិយាយថាបើនិយាយថាមិនមានប៉ាមិនស្រឡាញ់ប៉ាវាជាការអកតញ្ញូ តែបើសិនជាអ្នកសាកគិតគាត់ បានចាកចោលកូនប្រុសដែលមានអាយុទើបតែ៣ឆ្នាំ ទៅរស់នៅជាមួយប្រពន្ធថ្មីដែលបានឲ្យកូនដ៏តូចនិងម្ដាយរស់នៅយ៉ាងលំបាកស៊ីអត់ស៊ីឃ្លានរយៈពេលជាង១០ឆ្នាំ ។ អ្នកប្រហែលជាមិនដឹងទេថាជីវិតដែលគ្មានមេគ្រួសារជួយផ្គត់ផ្គង់ចិញ្ចឹមគ្រួសារថាវាក្រវាលំបាកប៉ុនណានោះទេ។ ពេលព្រឹកពេលភ្ញាក់ពីគេងត្រូវទោមើលក្នុងឆ្នាំងតើមានបាយកកសល់អាចហូបបានទេ? ត្រូវបើកធុងអង្កតើមានអង្កសម្រាប់ដាំបាយថ្ងៃដែរទេ? បន្ទាប់ពីមានអង្ក តើបានអីហូបជាមួយនឹងបាយ? ពេលខ្លះបាយឆ្អិនហើយគ្មានទេម្ហូបសម្រាប់ហូប កុំថាឡើយម្ហូប នៅក្នុងផ្ទះរកតែទឹកត្រី ទឹកស៊ីអ៊ីវគ្មានផង ហូបជាមួយអំបិល ស និងបាយ ពេលខ្លះកុំថាឡើយបាយ និងអំបិល គឺ គ្មានទាំងបាយសម្រាប់ហូបផង ទៅមើលធុងអង្កគឺ មានល្មមតែបបរ គឺ បបរហូបនិងអំបិលទៅ ។ បើគាត់ជាប៉ាគេតើគាត់មានទំនូលខុសត្រូវដែរទេ? សូមចាត់ទុកថាកូនដែលបានផ្ដល់កំណើតនេះវាបានស្លាប់ដូចសត្វធាតុអស់ទៅចុះ ព្រោះជាង១០ឆ្នាំអ្នកមិនបានមើលថែ ឬផ្ដល់ចំណីនោះទេ ដូច្នេះវាគ្មានទេសម្រាប់ឲ្យអ្នកហៅថាកូន ព្រោះសត្វទាំងនេះវាបានត្រដររស់ដោយខ្លួនវាយ៉ាងលំបាកពេកក្រៃ ។ ចាត់ទុកថាតំណក់ឈាមនៃជីវិតនេះនេះវាជាការចៃដន្យបានស្រក់ចោលទៅចុះ។ ម៉ាក់គ្មានអ្វីទាំងអស់គាត់ខំចិញ្ចឹមកូនទាំងបាទដៃទទេ គាត់សុខចិត្តស៊ីអត់ស៊ីឃ្លានគាត់មិនដែលចាកចេញពីកូននោះឡើយតែហេតុអី បានជាគាត់មិនអាចជួយចិញ្ចឹមកូនសត្វទាំងនេះបាន។ គេគ្រប់គ្នាមានប៉ាហៅគេសប្បាយចិត្ត តែសម្រាប់ខ្ញុំពាក្យនេះខ្ញុំសុំមិនប្រើ មិនមានការហៅជារៀងរហូត ហើយក៏មិនចង់ស្គាល់ចង់ប្រើពាក្យនេះដែរខ្ញុំស្អប់ពាក្យនេះជារៀងរហូត ។ ជាកូនដែលគ្មានឪពុក ត្រូវបានមិត្តភក្ដិបង្អាប់នៅក្នុងថ្នាក់ត្រូវបានមិត្តភក្ដិបន្តុះបង្អាប់ ត្រូវបានអ្នកជិតខាងមើលងាយ តើនេះវាមិនមានការឈឺចាប់គ្រប់គ្រាន់ទេឬ?

សូមជូនពរឲ្យអ្នកមានសុខភាពល្អរស់នៅបន្តឲ្យបានអាយុវែងមានសេចក្ដីសុខរហូតទៅតែត្រូវចាំថារបស់ដែលអ្នកបានចោលកុំរើសត្រឡប់មកវិញ ព្រោះអ្នកមិនដែលស្ដាយក្រោយនូវទំហើដែលអ្នកបានបោះបង់ចោលរបស់ទាងនោះទេ វាមិនមែនជាកំហុសអ្នកទេតែវាជាកំហុសរបស់ខ្ញុំដែលបានយកកំណើតក្រោមតំណក់ឈាមរបស់អ្នក។ (ពីកូនគ្មានឪពុក @BB.)

Friday, May 16, 2014

ការចាប់ផ្ដើមសាកល្បងថតរូប ផូតូស្វ៊ែរ

បន្ទាប់ពីបានចូលរួមវគ្គបណ្ដុះបណ្ដាលមួួយកាលពី ថ្ងៃ ២៩ ខែមីនា ឆ្នាំ២០១៤ នៅភ្នំពេញជាមួយក្រុម GOOGLE BUSINESS Group ភ្នំពេញ ស្ដីពី GOOGLE MAP MAKER រួចមកខ្ញុំទទួលបានចំណេះដឹងខ្លះៗស្ដី ពីការដៅផែន និងការប្រើប្រាស់ STREET VIEW និងការដាក់រូបភាព ការថតរូមភាពផូតូស្វ៊ែរ ។
ពេលនេះខ្ញុំចាប់ផ្ដើមសាកល្បងវាជាលើកតំបូងហើយដោយទីតាំងថតតំបូងបរបស់ខ្ញុំគឺនៅក្នុងបរិវេណវត្ត ចាក់អង្រែក្រោម ដោយខ្ញុំបានថតទិដ្ឋភាពនៅទី នោះមានបី ទីតាំងគឺ ១ ទីតាំងទីធ្លាខាងជើងវត្តចាក់អ្រែក្រោម ទី ២ ទីតាំងខាងត្បូងវត្ត និង ទី ៣ គឺ ទីតាំងប៉ាច្ឆាសម្រាប់បូជាសពនៅក្នុងវត្ត ។ ហើយបន្ទាប់មកទៀត ខ្ញុំបានសាកល្បងថតនៅ ខាងមុខរបងព្រះបរមរាជវាំង គឺនៅពេលយប់ និង ទីតាំង ព្រះរាជឱង្កោសម្ដេចវរៈក្សត្រ នរោត្តមសីហនុ ផងដែរ ។
នេះជាមេរៀនតំបូងសម្រាប់ខ្ញុំមិនដឹងថាវាល្អឬអត់នោះទេ តែខ្ញុំនឹងខិតខំធ្វើវា ហើយនឹងព្យាយាមធ្វើឲ្យបានច្រើនកន្លែងដើម្បីដាក់វាបង្ហាញទៅក្នុងផែនទី សម្រាប់បង្ហាញឲ្យពីភពលោកបានស្គាល់ពីប្រទេសរបស់យើងផងដែរ ។ ក្នុងការថតគឺ យើងប្រើកម្មវិធី នៅក្នុងទូរស័ព្ទប្រភេទ ANDROID មានជំនាន់កម្មវិធី ចាប់ពី ៤.ឡើងទៅដែលមានឈ្មោះថា GOOGLE CAMERA ។
នៅក្នុងការថតគឺគ្មានអ្វីលំបាកនោះទេ គ្រាន់តែដំឡើងកម្មវិធី GOOGLE CAMERA រួចហើយយើងអាចបើកថតដូចកាម៉េរ់ាទូទៅដែរ ដើយគ្រាន់តែជ្រើសយកជម្រើសណាមួយដែលយើងចង់ថតទៅវាជាការស្រេចបាត់ទៅ ហើយ ។

វត្តចាក់អង្រែក្រោមទីធ្លាខាងជើង

វត្តចាក់អ្រែក្រោមទីធ្លាខាងត្បូង

ប៉ាច្ឆាវត្តចាក់អង្រែក្រោម

ព្រះរាជឱង្កាព្រះវរៈក្សត្រសីហនុ

ព្រះបរមរាជវាំងខាងមុខ

Wednesday, April 30, 2014

ជីវិតខ្ញុំ (វគ្គ១)

ជាកូនស្ត្រីកសិករម្នាក់ មានផ្ទះឈើតូច១ខ្នងមានបណ្ដោយប្រហែល ៣ម៉ែត្រ ទទឹង ប្រហែល២ ម៉ែត្រ ដំបូលប្រក់ស្លឹក ជញ្ជាំងបាំងដោយសម្បកឈើស្ងួត ។ ពេលគេងគឺ មានភួយធំមួយ និងមុងធំមួយ យើងគេងរួមគ្នា មានម៉ាក់ និងបងប្អូនប្រុស នឹកឃើញពេលរដូវវស្សា ពេលភ្លៀងមកម្ដងៗ ដូចជាដេកកណ្ដាលមេឃ ព្រោះដំបូលស្លឹកមិនអាចទប់ទល់នឹងដំណក់ទឹកភ្លៀងដ៏ខ្លាំងបាននាដើមរដូវនោះទេ នៅមាត់សមុទ្ទមានភ្លៀងនិងខ្យល់បក់ខ្លាំងៗណាស់ ពិតជាអាណិតម៉ាក់ណាស់ដោយយប់ស្ងាត់មេឃភ្លៀងដូចហែកនៅពេលភ្លៀងខ្លាំងដំបូលលិចអ្វីនៅក្នុងផ្ទះសើមទាំងអស់ពេលឃើញ កូនគេងទទឹក ម៉ាកខំទាញកន្ទេលធ្វើពីអញ្ចូតមួយមកគ្របកូនកុំឲ្យទទឹកភ្លៀង ពេលនោះយើងត្រូវគេងឡើងរួញដូចកូនកណ្ដុរធ្លាក់ទឹកយ៉ាងអ៊ីចឹង ។

[....]

បទ៖ លើកទង់ជ័យសាសនា

ជាបទសម្រាប់សូធ្យលើកទង់សាសនា ក្នុងសំណាក់អ្នកកាន់ព្រះពុទ្ធសាសនាហើយបទនេះផងដែរត្រូវបានពុទ្ធសាសនិកសូធ្យនៅក្នុងកម្មវិធីបុណ្យធំៗផ្សេងក្នុងពុទ្ធសាសនា មានដូចជា៖ បុណ្យមាឃបូជា វិសាខបូជា និង អាសាឡ្ហបូជា ជាដើមផងនោះ ។ បទនេះសូធ្យពុទ្ធសាសនិកសូធ្យដើម្បីរលឹកនឹកដល់ពុទ្ធសាសានិកទូទាំងពីភពលោកបានប្រជុំគ្នាជាច្រើនសែនលាននាក់ដែលបានរួបរួមគ្នាក្នុងការបង្កើតទង់ជ័យសម្រាប់សម្គាល់សាសនាពុទ្ធ ។ ហើយអត្តន័យនៅក្នុងបទលើកទង់នេះផងដែរគឺបានអប់រំឲ្យប្រទេស និងអ្នកកាន់ពុទ្ធសាសនាទាំងអស់ចេះប្រព្រឹត្តនូវតែអណពើល្អ និងប្រព្រឹត្តនូវសុចិរិតធម៌ទើបនាំខ្លួនទៅកាន់សេចក្ដីសុខ ។

ឯណាប្រវត្តិសាស្ត្រពិត ....??

វាគ្មានអ្វីប្លែកនោះទេសម្រាប់ការចងក្រងនិងតែងនិពន្ធប្រវត្តិនោះ ជានិច្ចកាលត្រូវបានធ្វើឡើងដោយអ្នកឈ្នះ ។ ដូច្នេះរាល់អ្វីដែលចងក្រងនោះតែងតែនិយាយសសើរតែអ្នកដែលឈ្នះប៉ុណ្ណោះ អ្វីដែលគេរៀបរាប់អ្វីដែលគេសសេរគឺច្បាស់ជាលើកសសើរដល់ខ្លួនគេផ្ទាល់ ចំណែកអ្នកដែលចាញ់ត្រូវជាប់ឈ្មោះស្អុយក្នុងទំព័រប្រវត្តិសាស្ត្ររបស់អ្នកកត់ត្រានោះមិនខាន ហើយត្រូវអាចជាប់ឈ្មោះជាអ្នកក្បត់ជាតិ ជាអ្នកអាក្រក់ ។ល។

អតីតធ្វើការអ្នកស្ម័គ្រចិត្តនៅ KYSD

នេះជាសកម្មរបស់ខ្ញុំពេលដែលខ្ញុំទើបមករៀននៅភ្នំពេញដំបូងដែលបានប្រឡូកជាយុវជនស្ម័គ្រចិត្តនៅក្នុងអង្គការមិនមែនរដ្ឋាភិបាលមួយ ដែលមានឈ្មោះថាអង្គការយុវជនខ្មែរ និងការអភិវឌ្ឍន៏សង្គមហៅកាត់ថា KYSD ។ នៅក្នុងអង្គការ KYSD បានផ្ដល់នៅការអភិវឌ្ឍនយ៉ាងច្រើនសម្រាប់ខ្ញុំទាំងផ្នែកចំណេះដឹង បំនិនជីវិត ព្រមទាំងបានចូលរួមជាមួយសង្គមផងដែរ តាមរយៈការចុះទៅតាមសហគមន៍ និងការធ្វើយុទ្ធនាការដាំដើមឈើ ការចូលរួមការពារបរិស្ថាន ។ល។ ហើយនៅទីនោះក៏បានផ្ដល់នូវអនុស្សារីយ៍ជាមួយមិត្តយ៉ាងច្រើន ខ្ញុំសូមអគុណផងដែរដល់អង្គការ KYSD ដែលបានផ្ដល់ឱកាសដល់ខ្ញុំបានធ្វើការ និងបានបទពិសោធន៍យ៉ាងច្រើន និងទិដ្ឋភាពដ៏ល្អៗជាច្រើនជាមួយយុវជនស្ម័គ្រចិត្តនៅទីនោះ ។

Thursday, January 9, 2014

កម្ពុជា - ការប្រើ ឥណទាន របស់ IMF

ការប្រើប្រាស់ ឥណទាន របស់ IMF ( មើលកត់ចំណាំ បច្ចុប្បន្ន ដុល្លារអាមេរិក)

តម្លៃ ចុងក្រោយបំផុត សម្រាប់ ការប្រើ មូលនិធិ IMF ឥណទាន ( មើលកត់ចំណាំ បច្ចុប្បន្ន ដុល្លារអាមេរិក) នៅក្នុងប្រទេសកម្ពុជា មានចំនួន 128,840,000.00 នៅ ឆ្នាំ 2011 ។ ក្នុងរយៈពេលជាង 41 ឆ្នាំមកហើយ តម្លៃសម្រាប់ សូចនាករនេះ បាន ឡើងចុះ រវាង 131,560,000.00 ដុល្លារនៅឆ្នាំ 2009 និង $ ផ្សេង 0,00 ក្នុងឆ្នាំ 1970 ។

ស្វែងយល់អំពីប្រាក់ខែគោលរបសប្រទេសក្នុងសមាជិកអាស៊ាន

១៦ ខែមេសា - នៅក្នុង កិច្ចខិតខំប្រឹងប្រែង ដើម្បីប្រយុទ្ធប្រឆាំងនឹង អតិផរណានិង ទប់ស្កាត់ការ ផ្ទុះ ណាមួយនៃ ភាពចលាចល ការងារ មួយ បណ្តាប្រទេសអាស៊ាន ត្រូវបានគេ ដូចខាងក្រោម យុទ្ធសាស្រ្ត នៃការ ជំរុញឱ្យ កម្រិត ប្រាក់ឈ្នួលអប្បបរមា ខ្ពស់ជាង អនុម័តច្បាប់ ពលកម្ម ថ្មីដែល សិទ្ធិ កម្មករ កាន់តែធំ ការពារ និង របស់ប្រទេសចិន។ ប្រទេសជាច្រើន ក៏បាន សង្កេតឃើញពីកំណើន ប្រាក់ឈ្នួលអប្បបរមា ដែលជា វិធីសាស្រ្ត នៃការ ឆ្លៀតឱកាស បង្កើនផលិតភាព នៃកម្លាំងពលកម្ម របស់ពួកគេ នៅក្នុង ការរៀបចំសម្រាប់ ការបើក នៃសហគមន៍សេដ្ឋកិច្ច អាស៊ាន នៅឆ្នាំ 2015 ។

ស្ថិតិអ្នកចុះឈ្មោះបោះឆ្នោតសរុបសម្រាប់ឆ្នាំ២០១៣

៙ ចំនួនការិយាល័យចុះឈ្មោះអ្នកបោះឆ្នោតសរុបឆ្នាំ២០១៣៖20,144 ការិយាល័យ.

៙ ចំនួនអ្នកចុះឈ្មោះបោះឆ្នោតសរុប២០១៣៖ 9,732,531 នាក់

៙ បុរសចំនួន៖ 4,621,040 នាក់

៙ ស្ត្រីចំនួន៖ 5,111,491 នាក់

៙ ចំនួនកែតម្រូវឈ្មោះសរុបឆ្នាំ២០១៣៖ 16,677 នាក់

៙ ចំនួនចុះឈ្មោះបោះឆ្នោតថ្មីសរុបឆ្នាំ២០១៣៖ 187,111 នាក់

៙ ចំនួនលុបចេញពីបញ្ជីអ្នកបោះឆ្នោតសរុបឆ្នាំ២០១៣៖130,033 នាក់

Thursday, December 5, 2013

ខ្ញុំចង់និយាយបន្តិចពីរឿងពុករលួយ !

មានមនុស្សច្រើនណាស់ ដែលយល់ច្រឡំពីអំពើពុករលួយ ។ ពួកគេយល់ថា ដែលហៅថា អំពើពុករលួយ ទាល់តែមានសកម្មភាពស៊ីសំណូក និងការសូកប៉ាន់....។ វាគឺជាការយល់ច្រឡំទាំងស្រុង ..... អំពើពុករលួយ មិនមែនមានត្រឹមតែការស៊ីសំណូក សូកប៉ាន់ (Bribery) នោះទេ តែវារួមមានសកម្មភាពផ្សេងៗទៀត។ ការគៃបន្លំ , ការក្លែងបន្លំ , ការជំរិតយកលុយ , បក្សពួកនិយម , ការរំលោភឆន្ទានុសិទ្ធិ , ការផ្តល់ប្រាក់វិភាគទានមិនត្រឹមត្រូវទាក់ទិននឹងនយោបាយ សុទ្ធតែចាត់ ចូលជាអំពើពុករលួយ !

ការក្លែងបន្លំ(Fraud) គឺស្រួលយល់ទេ ! មានន័យថា មន្រ្តីម្នាក់ក្លែងបន្លំឯកសារចំណាយ ដើម្បី កេងយកលុយដាក់ហោប៉ៅផ្ទាល់ខ្លួន ឬសំរាប់បក្ខពួកខ្លួន! ទិញកុំព្យូទ័រអស់ តែ $500 តែនៅក្នុងបញ្ជីចំណាយ ដាក់ថា $1000 អាណឹងគេហៅថាក្លែងបន្លំ!

ចំណែកឯគៃបន្លំ (Embezzlement) គឺយកតែម្តង ! ឧទារហរណ៍ មន្ទីរពេទ្យមួយទទួលបានថ្នាំពេទ្យ ចំនួន ១ តោន សំរាប់ប្រើប្រាស់ក្នុងមន្ទីរពេទ្យ ។ ផ្ទុយទៅវិញ ប្រធានមន្ទីរពេទ្យ យក ពាក់កណ្តាលទៅលក់ យកលុយចូលហោប៉ៅ ។ អាណឹងគេហៅថា គៃបន្លំ !

ភាសាខ្មែរ និងក្ដាចុចមាននៅលើ Androide Kitkat 4.4 ដោយពេញលេញ

ក្រុមហ៊ុនយក្ស GOOGLE បានបញ្ចូលពុម្ព និងក្តាចុចអក្សរខ្មែរទៅក្នុងប្រព័ន្ធប្រតិបត្តិការ (OS) របស់ខ្លួនហើយ នោះគឺ Android 4.4, KitKat ដែលមានន័យថា នៅពេលលោកអ្នកទិញទូរស័ព្ទ Smart Phone នៅពេលអនាគត គឺវានឹងមានអក្សរខ្មែរ និងក្តាចុចមកជាមួយស្រាប់។ នេះគឺជាមោទនភាពរបស់ខ្មែរយើងដែលក្រុមហ៊ុនយក្សមួយនេះចាប់អារម្មណ៍ នេះក៏មកពីមានការជួយជ្រោមជ្រែងពីអ្នកជំនាញខ្មែរ ជាច្រើនផងដែរ។

សិក្ខាសិលាស្ដីអំពីបច្ចេកវិទ្យាGoogle ឆ្នាំ២០១៣ (GDG DevFest Phnom Penh 2013)

ភ្នំពេញ៖ អ្នកអភិវឌ្ឍន៍កម្មវិធី កុំព្យូទ័រ អ្នករចនាគេហទំព័រ អ្នកសរសេរកូដកុំព្យូទ័រ វិស្វករ បច្ចេកវិជ្ជាក្រុមហ៊ុន Google សាស្ត្រាចារ្យ និងនិស្សិតសិក្សាផ្នែកបច្ចេកវិទ្យាប្រមាណ៣៥០នាក់ នឹងជួបប្រជុំគ្នាដើម្បីចែករំលែកបទពិសោធន៍និង រៀនសូត្រពីគ្នាទៅវិញទៅមកនូវការអភិវឌ្ឍន៍បច្ចេកវិទ្យាថ្មីៗនិងចុងក្រោយគេបង្អស់។

សិក្ខាសិលាស្ដីអំពីបច្ចេកវិទ្យាGoogle ឆ្នាំ២០១៣ (GDG DevFest Phnom Penh 2013) នេះគឺជាព្រឹត្តិការណ៍លើកដំបូងដែលមិនធ្លាប់មាននៅកម្ពុជានឹងត្រូវធ្វើនៅសាកលវិទ្យាល័យ ន័រតុន នៅថ្ងៃទី២ ខែវិច្ឆិកា ឆ្នាំ២០១៣ ខាងមុខ។

យោងតាមសេចក្ដីប្រកាសព័ត៌មានអោយបានដឹងថា ព្រឹត្តិការណ៍ត្រូវបានបង្កើតឡើងក្នុងគោលបំណងលើកកម្ពស់ការប្រើប្រាស់បច្ចេកវិទ្យាថ្មីនិងលើកទឹកចិត្តឲ្យមានបង្កើតអ្វីដែលថ្មី។ សិក្ខាសិលាក៏មានជាវេទិកាដើម្បីផ្ដល់ឱកាសដល់យុវជនដែលមានសក្ដានុពលផ្នែកព័ត៌មានវិទ្យាក្នុងការស្វែងរកគំនិតថ្មីប្លែក ក៏ដូចជាផ្លាស់ប្ដូរយោបល់គ្នាទៅវិញទៅកមលើវិស័យព័ត៌មានវិទ្យាដែលជាកត្តាសំខាន់ត្រួតត្រាយផ្លូវដល់ការបង្កើតបច្ចេកវិជ្ជាថ្មីៗ នៅពេលអនាគតក្នុងប្រទេសកម្ពុជា។

ប្រធានបទសំខាន់សម្រាប់ឆ្នាំ២០១៣នេះ ផ្ដោតសំខាន់លើបច្ចេកវិជ្ជាចុងក្រោយរបស់Google ដូចជា Wearable Computing, Mobil & Clouds and Android program, Google Cloud Storage,Google Maps& Street View, Khmer Language on Google Platform, Google App Engine to HTML5”។

សិក្ខាសិលារយៈពេលមួយថ្ងៃនេះ រៀបចំឡើងដោយក្រុមអ្នកបច្ចេកវិជ្ជារបស់ Google នៅកម្ពុជាក្រោមការឧបត្ថម្ភពីក្រុមហ៊ុនGoogle និងរួមសហការជាមួយក្រុមហ៊ុនបច្ចេកវិជ្ជានិង អង្គការសង្គមស៊ីវិលផ្សេងៗទៀតក្នុងកម្ពុជា។ GDG DevFest ជាព្រឹត្តិការណ៍មួយក្នុងចំណោមព្រឹត្តិការណ៍នានារបស់ក្រុមហ៊ុន Google ដែលត្រូវបានរៀបចំឡើងជារៀងរាល់ចុងឆ្នាំពីខែ កញ្ញាដល់ខែតុលានៅជុំវិញពិភពលោក។ DevFest លើកដំបូងបានត្រូវធ្វើនៅសហរដ្ឋអាមេរិកនាឆ្នាំ២០០៨ និងក្រោយមកបានរីកសាយទៅជាង១០០ ប្រទេសក្នុងពិភពលោកនៅចុងឆ្នាំ២០១៣នេះ៕

Monday, October 28, 2013

My Felling Happy when I can to join GDG DevFest Event

What is DevFest?
DevFest is a series of world-wide community-lead events around the world that have technical sessions center around Google Technology and Platform. DevFest focus specifically to bring all passionate local developers to teach, learn, code and network.DevFest around the world is mainly sponsored by Google Inc. usually partnered with local tech company in every country. DevFest is originally started in 2008 in the United Stated by Google Inc. and wide-spread to more than 100 countries in the world through Google Developers Group. You can view DevFest Phnom Penh on Google Developers DevFest 2013 here: https://developers.google.com/events/devfest

bethborin

Thursday, June 15, 2017

Tuesday, March 29, 2016

Monday, March 7, 2016

Thursday, February 26, 2015

Tuesday, September 30, 2014

Thursday, July 31, 2014

Monday, July 14, 2014

Monday, June 16, 2014

Friday, May 16, 2014

Wednesday, April 30, 2014

Wednesday, February 12, 2014

Tuesday, February 11, 2014

Saturday, February 1, 2014

Thursday, January 9, 2014

Tuesday, December 31, 2013

Thursday, December 5, 2013

Tuesday, November 26, 2013

Friday, November 1, 2013

Monday, October 28, 2013