អគ្គីសនីនៅខេត្តសៀមរាបត្រូវបានដាច់ទាំងស្រុង

ចាប់ពីព្រឹកថ្ងៃទី២៨ ខែកុម្ភៈ ដល់ថ្ងៃទី២ ខែមីនា ឆ្នាំ២០១៣ ចរន្ដអគ្គិសនីនៅខេត្ដសៀមរាប បានដាច់ភ្លើងទាំងស្រុង។ ការដាច់ចរន្ដអគ្គិសនីនៅខេត្តទេសចរណ៍ប្រាសាទបុរាណនេះ ធ្វើឱ្យអ្នករកស៊ីលើវិស័យទេសចរណ៍ ខាតបង់យ៉ាងធ្ងន់ធ្ងរ ព្រមទាំង បាន និងកំពុងធ្វើឱ្យប៉ះពាល់ដល់អារម្មណ៍ភ្ញៀវទេសចរថែមទៀតផង។ ប្រជាពលរដ្ឋ ដែលមិនមានភ្លើងប្រើប្រាស់នោះដែរ ម្នាក់ៗបានពពាក់ពពូនគ្នា ទៅកាន់កន្លែងលក់គ្រឿងអគ្គិសនី ដើម្បីទិញអាគុយ ទិញអំពូល និងទិញកង្ហារ ដើម្បីយកមកចាប់អាគុយបំភ្លឺក្នុងផ្ទះ។ អ្នកលក់ អាគុយអំពូលភ្លើង លក់កង្ហារ សំរាប់ប្រើប្រាស់ជាមួយអាគុយ បានលក់ដាច់ និងថែមទាំងមិនមានរបស់លក់ឱ្យប្រជាពលរដ្ឋ ដែលត្រូវការជាចាំបាច់នោះផង។ (CEN)