bethborin
Wednesday, March 6, 2013
ហេតុការណ៍មួយដែលគួរអោយរន្ធត់ចិត្តក្រៃលែង
ហើយកោតស្ញប់ស្ញែងដល់ស្រ្តីរូបនេះដែលលះជីវិត
ដើម្បីការពារជីវិតកូនគឺផ្ទះវីឡាមួយបានឆេះដោយ
ភ្លើងមិនមានច្រកចេញបានម្ដាយយកកូនចេញតាមបង្អូច
ដើម្បីកុំអោយភ្លើងឆេះកូនតែខ្លួនឯងស្លាប់បាត់ទៅហើយ
តែកាន់កូនជាប់នឹងដៃហើយមិនយូរប៉ុន្មានបុគ្គលិកអ្នករំលត់
ភ្លើងក៏បានមកដល់ហើយជួយសង្គ្រោះក្មេងនោះបាន នេះ
ហើយជាទឹកចិត្តម្ដាយដែលមានចំពោះកូន ។រឿងរ៉ាវនេះបាន
កើតឡើងក្នុងប្រទេសឥណ្ឌា
ដូច្នេះយើងត្រូវស្រលាញ់ពុកម្ដាយ ត្រូវចេះគោរពពួកគាត់។
Monday, March 4, 2013
អារម្មចង់ឲ្យមនុស្សម្នាក់យល់ចិត្ត
ថ្ងៃនេះនាងបាននិយាយដោយផ្ទាល់មាត់ហើយថានាងមិនបានស្អប់ខ្ញុំទេ តែនាងមិនពេញចិត្តចំពោះអត្តចរិតរបស់ខ្ញុំ ។ ខ្ញុំពិតជាបានធ្វើខុសចំពោះនាងច្រើនមែន ព្រោះគ្រប់ពេលខ្ញុំតែងតែធ្វើបាបចិត្តនាង តែងតែបញ្ឈឺ តែងតែឌឺនាង តែអ្វីដែលធ្វើវាកើតឡើងពីការប្រច័ណ្ឌរបស់ខ្ញុំ នៅពេលឃើញនាងនៅជាមួយអ្នកដ៏ទៃខ្ញុំមិនអាចទប់ចិត្តបានថាមិនខឹងនាង មិនបាននោះទេ ។ ហើយថ្ងៃនេះខ្ញុំក៏បានដឹងដែរថាពីមុនមកអ្វីដែលនាងធ្វើចំពោះខ្ញុំព្រោះតែពាក្យសម្ដី ដែលខ្ញុំបាននិយាយទៅកាន់នាងមួយម៉ាត់ ធ្វើឲ្យនាងឈឺចាប់រហូតដល់ពេលនេះ ខ្ញុំមិនដឹងថាការដែលលេងច្រើនរបស់ខ្ញុំនេះនាំទុក្ខឲ្យមនុស្សដែលខ្ញុំស្រលាញ់ស្មើជីវិតរបស់ខ្ញុំនេះឈឺចាប់ដល់ថ្នាក់នេះសោះ ខ្ញុំមិនដឹងថាត្រូវសុំទោសនាងប៉ុន្មានពាន់ដងទើបអាចឲ្យនាងលើកលែងទោសឲ្យខ្ញុំបាននោះទេ ។ តែខ្ញុំគ្រាន់តែចង់ប្រាប់នាងថា អ្វីខ្ញុំធ្វើក៏ព្រោះខ្ញុំស្រឡាញ់នាង ហើយក៏មិនដែលនឹកគិតថាចង់ផ្លាស់ប្ដូរទេ ត្រូវជឿចិត្តរបស់ខ្ញុំ ថាខ្ញុំស្រឡាញ់អ្នកតែម្នាក់គត់ មិនគិតថាប្តូរឡើយមនុស្សខ្ញុំអ្នកស្គាល់ច្បាស់ហើយ ថាស្មោះត្រង់ប៉ុនណា ស្មោះស្ម័គ្រប៉ុនណាចំពោះអ្នក មានតែអ្នកម្នាក់ប៉ុនណោះដឹងពីចិត្តរបស់ខ្ញុំ ។ ពាក្យមួយម៉ាត់ដែលខ្ញុំបាននិយាយចំពោះអ្នកនោះ ខ្ញុំក៏បានដក់ចាប់ក្នុងខួរក្បាលខ្ញុំរហូតដែរ ថាហេតុអ្វីបានជាខ្ញុំនិយាយពាក្យបែបនេះ វាពិតជាមិនសមមែន តែអ្នកមិនបានទុកឱកាសឲ្យខ្ញុំបកស្រាយនោះទេ គ្រាន់តែខ្ញុំនិយាយចប់អ្នកផ្ដាច់សន្ទនាបាត់ទៅហើយ បើសិនជាពេលនោះអ្នកទុកឱកាសខ្ញុំតែបន្តិចម្លេះរឿងវាមិនដូចថ្ងៃនេះឡើយ ទុកឱ្យខ្ញុំខូចចិត្តជិតបីឆ្នាំទំរាំដឹងការពិត ។ តែសង្ឃឹមថាចាប់ពីថ្ងៃនេះទៅវាមិនមានរឿងឆ្កួតបែបនេះកើតឡើងទៀតទេ ។ ខ្ញុំនឹងខំកសាងខ្លួន ធ្វើខ្លួនឲ្យល្អគ្រប់ពេល ធ្វើតាមចិត្តអ្នកគ្រប់បែបយ៉ាង ខ្ញុំនឹងមិនធ្វើឲ្យអ្នកខូចចិត្តទៀតទេ តែសុំអ្នកម្យ៉ាងយល់ចិត្តខ្ញុំខ្លះផង ???
Saturday, March 2, 2013
អគ្គីសនីនៅខេត្តសៀមរាបត្រូវបានដាច់ទាំងស្រុង
ចាប់ពីព្រឹកថ្ងៃទី២៨ ខែកុម្ភៈ ដល់ថ្ងៃទី២ ខែមីនា ឆ្នាំ២០១៣ ចរន្ដអគ្គិសនីនៅខេត្ដសៀមរាប បានដាច់ភ្លើងទាំងស្រុង។ ការដាច់ចរន្ដអគ្គិសនីនៅខេត្តទេសចរណ៍ប្រាសាទបុរាណនេះ ធ្វើឱ្យអ្នករកស៊ីលើវិស័យទេសចរណ៍ ខាតបង់យ៉ាងធ្ងន់ធ្ងរ ព្រមទាំង បាន និងកំពុងធ្វើឱ្យប៉ះពាល់ដល់អារម្មណ៍ភ្ញៀវទេសចរថែមទៀតផង។
ប្រជាពលរដ្ឋ ដែលមិនមានភ្លើងប្រើប្រាស់នោះដែរ ម្នាក់ៗបានពពាក់ពពូនគ្នា ទៅកាន់កន្លែងលក់គ្រឿងអគ្គិសនី ដើម្បីទិញអាគុយ ទិញអំពូល និងទិញកង្ហារ ដើម្បីយកមកចាប់អាគុយបំភ្លឺក្នុងផ្ទះ។ អ្នកលក់ អាគុយអំពូលភ្លើង លក់កង្ហារ សំរាប់ប្រើប្រាស់ជាមួយអាគុយ បានលក់ដាច់ និងថែមទាំងមិនមានរបស់លក់ឱ្យប្រជាពលរដ្ឋ ដែលត្រូវការជាចាំបាច់នោះផង។ (CEN)
iPhone តម្លៃទាប នឹងត្រូវបញ្ចេញក្នុងឆ្នាំ២០១៤»
កាលពីរយៈពេលប៉ុន្មានខែចុងឆ្នាំ២០១២ និងដើមឆ្នាំ២០១៣ នេះ គេសង្កេតឃើញថា មានព័ត៌មាននិងពាក្យចចាមអារ៉ាមជាច្រើនបាននិយាយពីទូរស័ព្ទរបស់ក្រុមហ៊ុន Apple ដូចជា៖ iPhone 5S, iPhone 6 និង iPhone mini ឬ ប្រភពខ្លះហៅថា iPhone ដែលមានតម្លៃទាប ។
ជាក់ស្ដែងកាលពីដើមខែកុម្ភៈកន្លងទៅនេះ ពពក ក៏បានចេញអត្ថបទមួយដែរថា «របាយការណ៍ TCM ៖ Apple នឹងចេញ iPhone ដែលមានតម្លៃទាបនៅពាក់កណ្ដាលឆ្នាំ២០១៣» ដោយឡែកសំរាប់ថ្ងៃនេះមានប្រភពថ្មីមួយទៀតថា ក្រុមហ៊ុន Apple បានរចនារួចជាស្រេចនូវទូរស័ព្ទទំនើប iPhone និងមានតួធ្វើពីធាតុផ្សំដោយការបោន នេះបើយើងតាមប្រភពដែលសុំមិនបញ្ចេញឈ្មោះមួយរបស់ប្លក់ជប៉ុនមួយឈ្មោះថា Macotakara ។ សូមរំលឹកផងដែរថាកាលពីមុននោះ មានប្រភពជាច្រើនបានសន្និដ្ឋានថា ដើម្បីផលិតទូរស័ព្ទទំនើបដែលអាចលក់ក្នុងតម្លៃទាបបាននោះ ក្រុមហ៊ុន Apple នឹងប្រើប្រាស់ប្លាស្ទិកដើម្បីផលិតតួទូរស័ព្ទទំនើបទាំងនោះ ។ ប្រភពដដែលខាងលើបានបញ្ជាក់ផងដែរថាទូរស័ព្ទទំនើប iPhone ដែលមានតួធ្វើពីធាតុផ្សំឡើងដោយការបោននេះ មានអេក្រង់ទំហំ 4.5-inch និងមានកម្រាស់ក្រាសជាង iPhone បច្ចុប្បន្ន ប៉ុន្តែតម្លៃវិញគឺត្រឹមតែ $330 ប៉ុណ្ណោះ ។ សូមបញ្ជាក់ថាខ្លឹមសារទាំងនេះ គឺគ្រាន់តែជាពាក្យចចាមអារ៉ាមប៉ុណ្ណោះ ចំពោះព័ត៌មានពិតយ៉ាងណានោះ ក្រុមហ៊ុន Apple មិនទាន់បានបញ្ជាក់នៅឡើយទេ
ត្រឹមតែ២៦០ដុល្លារ ទូរស័ព្ទប្រើអាចមាន CPU Quadcore និង អេក្រង់ 1080P
ខណៈដែលក្រុមហ៊ុនល្បីៗនាំគ្នាប្រកួតប្រជែងនូវសមត្ថភាពពិសេសរបស់ទូស័ព្ទនោះ តែក្រុមហ៊ុនតូចៗដែលមិនសូវល្បីឈ្មោះក៏ចេញមុខប្រឡូកក្នុងវិស័យទូរស័ព្ទចល័តផងដែរ។ ថ្មីៗនេះក្រុមហ៊ុនចិនមួយឈ្មោះថា UMI បានចេញផ្សាយនូវទូរស័ព្ទប្រចាំឆ្នាំ របស់ខ្លួនមួយគ្រឿងដែលមានសមត្ថភាពគួឲ្យចាប់អារម្មណ៍ ដោយមានតម្លៃត្រឹមតែ ២៦០ដុល្លារតែប៉ុណ្ណោះ។
សមត្ថភាពរបស់ UMI X2 មានដូចខាងក្រោម៖
CPU:MTK6589, 1.2GHz quad-core (MediaTek)
GPU: PowerVR SGX544
ទំហំផ្ទុក អាចដាក់ដល់ 32GB
RAM: 2GB
ថ្ម 2,500mAh
កាមេរ៉ាមុខ 3MP និងក្រោយ 13MP
ប្រើប្រាស់ Jelly Bean 4.1 (គំរោងឡើងដល់ 4.2)
អាចប្រើស៊ីមបានម្តង២
UMI X2 នឹងចេញលក់នៅ ប្រទេសឥណ្ឌាប្រហែល ជាក្នុងថ្ងៃទី១៥ទៅ២០មីនានេះហើយ។
Friday, March 1, 2013
Friday, February 22, 2013
ព្រះអង្គម្ចាស់ ស៊ីសុវត្ថិ សិរិមតៈ
ព្រះអង្គម្ចាស់ ស៊ីសុវត្ថិ សិរិមតៈ ប្រសូតនៅថ្ងៃទី២២ មករា ១៩១៤
នៅក្រុងភ្នំពេញ មាតាព្រះនាម ទ្រឿង យឿម បិតា ស៊ីសុវត្ថិ រត្តរិ។
ព្រះអង្គ បានរៀបអាពាហ៍ពិពាហ៍ ជាមួយម្ចាស់ក្សត្រីយ៍ នរោត្តម
កេតនារី ហើយមានបុត្រី៣អង្គ និង បុត្រា៣អង្គ ។
ព្រះអង្គ ជារដ្ឋមន្ត្រីក្រសួងការពារជាតិ នៅឆ្នំា១៩៥៤។ដើមទសវត្ស
ឆ្នាំ១៩៦០ ព្រះអង្គជាអគ្គរាជទូត ប្រចំានៅប្រទេសចិន។ទសវត្ស
១៩៧០ ព្រះអង្គម្ចាស់សិរិមតៈ មានឋានៈ ជានាយករដ្ឋមន្ត្រីស្តីទី
ហើយព្រះអង្គម្ចាស់ ក៍ត្រូវបានរដ្ឋាភិបាលលោកលន់ ណុល តែង
តាំងជា មន្រ្តីក្រុមប្រឹក្សានយោបាយជាន់ខ្ពស់ដោយមានរូបគាត់
សិរិមតៈ ចេង ហេងនិង អ៊ិន តាំផងដែរ។
នៅថ្ងៃ១៧ មេសា ឆ្នំា១៩៧៥ ប្រទេសកម្ពុជា ធ្លាក់ក្នុងកណ្តាប់ដៃ
ខ្មែរក្រហម ព្រះអង្គម្ចាស់សិរិមតៈ បានស្វែងរកសិទ្ធជ្រកកោននៅ
សណ្ឋាគារ Hotel Le Phnom ជាទីដែលកាកបាទក្រហម អន្តរជាតិ
កំពុងមានបំណងបង្កើតនូវ តំបន់សុវត្ថិភាព។ប៉ុន្តែ ត្រូវបានបដិសេធ
ដោយគេ ដឹងថា ឈ្មោះរបស់ព្រះអង្គ ត្រូវបានខ្មែរក្រហមដាក់នៅ
ក្នុងបញ្ជីជនក្បត់ទាំង៧នាក់ ចុងក្រោយព្រះអង្គ បានស្វែងរកសិទ្ធិ
ជ្រកកោននយោបាយ នៅស្ថានទូតបារាំង។មេបញ្ជាការ ខ្មែរក្រហម
ធ្វើការគំរាម ដល់ស្ថានទូតបារំាង និង ធ្វើការទន្រ្ទានលុកលុយស្ថាន
ទូតចាប់មនុស្សដែលគេត្រូវការ និង មិនទទួលខុសត្រូវការខូចខាត
អ្វីទំាងអស់ បើមិនប្រគល់មនុស្សដែលគេត្រូវការចាប់នោះទេ។
ទីបញ្ចប់ស្ថានទូតបារំាង គ្មានជំរើសលោក Bizot បានទទួលបន្ទុក
ក្នុងការជូនដំណឹងសិរិមតៈ និង រួមទំាងអ្នកស្មោះស្ម័គ្រ ។ព្រះអង្គ
ត្រូវគេប្រគល់ឲ្យខ្មែរក្រហម ដោយអមដំណើរដោយមន្ត្រីទូតលោក
ជឺន ឌីរ៉ាក ដល់ខ្លោងទ្ធារ។
ព្រះអង្គម្ចាស់សិរិមតៈត្រូវបានខ្មែរក្រហមសម្លាប់នៅថ្ងៃទី២១
ខែមេសា ឆ្នំា១៩៧៥។
លោកសេនាប្រមុខ លន់ នល់
លន់ នល់ កើតនៅថ្ងៃទី១៣ ខែវិច្ឆិកា ឆ្នាំ១៩១៣ នាខេត្តព្រៃវែង
ក្នុងគ្រួសារខ្មែរកាត់ចិន ។បិតាឈ្មោះ លន់ ហ៊ិន មាតាឈ្មោះ នួន
គាត់ទទួលការសិក្សាអប់រំនៅសាលាChasseloup-Laubatទីក្រុង
សាយហ្កន។ឆ្នំា១៩៤៦គាត់ក្លាយជាចៅហ្វាយខេត្តក្រចេះ។
ឆ្នំា១៩៥៥ ត្រូវបានតែងតាំងជានាយសេនាធិការកងទ័ពនិងជា
អគ្គមេបញ្ជាការកងទ័ពនៅឆ្នាំ១៩៦០ និង កាន់តំណែងជារដ្ឋ
មន្ត្រីក្រសួងការពារជាតិ ផងដែរ។ លោកក៍ធ្លាប់ធ្វើជាចៅហ្វាយ
ខេត្តបាត់ដំបងផងដែរ។
នៅឆ្នំា១៩៦៩ គាត់ក្លាយជានាយករដ្ឋមន្រ្តីជាលើកទី២។ថ្ងៃទី១៣
ខែមីនា ឆ្នាំ១៩៧០ រដ្ឋាភិបាលស្រោចស្រង់ជាតិ បានផ្ញើលិខិតទៅ
ឱ្យរដ្ឋាភិបាលក្រុងហាណូយ ឲ្យដកកងទ័ពចេញពីប្រទេសកម្ពុជា
ឲ្យអស់ក្នុងរយ:ពេល៤៨ ពុំនោះទេ និងត្រូវប្រឈមមុខនិងវិធាន
ការយោធា។
រាត្រីថ្ងៃទី១៧មិនា១៩៧០ ព្រះអង្គម្ចាស់ សិរិមតៈដោយមានមន្ត្រី
យោធា៣រូប បានទៅដល់គេហដ្ឋានលោកលន់ ណុល ហើយដក
កំាភ្លើងភ្ជង់បង្ខំលោកលន់ ណុល ឲ្យចុះហត្ថលេខាលើឯកសារ
ចំបាច់ទំាងឡាយដើម្បីដក សម្តេចព្រះនរោត្តមសីហនុ។លោក
លន់ ណុល ព្រមចុះហត្ថលេខា ជោរជន់ដោយទឹកនេត្រា។
ស្អែកឡើងថ្ងៃទី១៨ ខែមីនា ឆ្នាំ១៩៧០ សភាបានបោះឆ្នោតជា
ឯកឆន្ទដកហូតសម្តេចសីហនុពីអំណាច ដោយសភាព័ទ្ធជុំវិញ
ដោយកងកម្លំាងនិងរថពាសដែក។ ថ្ងៃទី៩ តុលាឆ្នាំ១៩៧០ ទើប
របបសាធារណរដ្ឋខ្មែរ បានបង្កើតជារូបរាងជាលើកទី១ ក្នុងប្រវត្តិ
សាស្រ្ត២០០០ឆ្នំារបស់ប្រទេស។
រឿងនេះធ្វើឲ្យយើង រលឹកនឹកឃើញ រឿងរ៉ាវប្រត្តិសាស្រ្តខ្មែរ ក្នុង
សតវត្សរ៍ទី១៩ នៅពេលលោក Charles Thomson ទេសាភិបាល
បារំាង បង្ខំព្រះបាទនរោត្តម ដោយចុងអាវុធ ដើម្បីចុះព្រះហស្ត
លេខាលើអនុសញ្ញាមួយ ដើម្បីដកហូតអំណាច ទំាងឡាយរបស់
ព្រះអង្គនៅថ្ងៃទី១៧ មិថុនា ១៨៨៤។
ថ្ងៃទី១ ខែមេសា ១៩៧៥ លោកសេនាប្រមុខបានលាលែងពី
តំណែងហើយបានចាកចេញទៅប្រទេសឥណ្ឌូនេស៊ី បន្ទាប់មក
ទៅសហរដ្ឋអាមេរិក លោកបានទទួលអនិច្ចកម្មថ្ងៃទី១៧ ខែវិច្ឆិកា
១៩៨៥។
លោកសេនាប្រមុខ ជាមនុស្សម្នាក់ដែលសម្តេចព្រះ
នរោត្តមសីហនុទុកចិត្តបំផុត ហើយជាមនុសុ្សម្នាក់ដែលបង្រ្កាបនិង
នរណាម្នាក់ឬក្រុមណាមួយ ដែលមានបំណងធ្វើរដ្ឋប្រហារទំលាក់
សម្តេចព្រះនរោត្តមសីហនុ ដែលក្នុងនោះមានក្រុមលោកដាប ឈួន
ជាដើម តាមចាប់សម្លាប់ដល់ទីបំផុត។ហើយលោកក៍ជាមនុស្សម្នាក់ ក្នុងចំណោមមេដឹកនំាសំខាន់ៗ ក្នុងការបញ្ជាបង្រ្កាបយ៉ាងឃោរឃៅ
ទៅលើប្រជាកសិករនៅសំឡូតដែលធ្វើឲ្យប្រជាកសិករស្លាប់រាប់
ម៉ឺននាក់នៅឆ្នំា១៩៦៦។
បើមិត្តចង់ដឹងរឿងរ៉ាវក្នុងរបបនោះកាន់តែច្បាស់សូមអានសៀវភៅ “សាធារណៈរដ្ឋខ្មែរ“ របស់បណ្ឌិត សាស្ត្រាចារ្យ រស់ ចន្ត្រាបុត្រ។
Subscribe to:
Posts (Atom)