អគ្គីភ័យឆាបឆេះសន្ឋោសន្ឋៅក្នុងសណ្ឋាគាញូវយ៉ក Credit: វិទ្យាសាស្រ្តខ្មែរ (ព័ត៌មានទាន់ហេតុការណ៍) http://namelink.biz/?bDhYD

ភ្នំពេញ៖ អគ្គីភ័យមួយបានឆាបឆេះយ៉ាងសន្ធោសន្ធៅនៅក្នុង សណ្ឋាគារញូវយ៉ក ជាន់ទី៦ ស្ថិតនៅតាមបណ្តោយ មហាវិថីព្រះមុនីវង្ស ក្នុងសង្កាត់បឹងរាំង ខណ្ឌដូនពេញ នៅវេលាម៉ោង១២អាធ្រាត្រ ឈានចូលថ្ងៃទី១៩ ខែកុម្ភៈ ឆ្នាំ ២០១៣ បង្កឲ្យមានការភ្ញាក់ផ្អើលដល់ភ្ញៀវទេសចរណ៍ដែលចូលមកស្នាក់នៅក្នុងសណ្ឋាគារខាងលើម្នាក់ៗជញ្ចូនអីវ៉ាន់ចេញរៀងខ្លួនយ៉ាងប្រញ៉ាប់ប្រញ៉ាល។ ករណីអគ្គីភ័យឆាបឆេះខាងលើនេះជាជំហ៊ានដំបូងសមត្ថកិច្ចមិនទាន់បញ្ចាក់ច្បាស់នៅឡើយទេថាបង្កឡើង ដោយមូលហេតុអ្វី ប៉ុន្តែសមត្ថកិច្ចសន្និដ្ឋានថា បង្កឡើងដោយសារទុសេខ្សែភ្លើង ។ ទាក់ទិននឹងអគ្គីភ័យខាងលើនេះសមត្ថកិច្ចមូលដ្ឋាននិងបងប្អូនប្រជាពលរដ្ឋបាន សហការជាមួយនិងកងកម្លាំងពន្លត់ អគ្គីភ័យនៃស្នងការដ្ឋាននគរបាលរាជធានីភ្នំពេញ បានជួយធ្វើអន្តរាគមន៍យ៉ាងសស្រាកសស្រាំព្រោះខ្លាចបង្កឲ្យឆាបឆេះដល់លំនៅឋានដែលនៅក្បែរខាង។ ការឆាបឆេះនេះធ្វើឲ្យសមត្ថកិច្ចពិបាកក្នុងការបាញ់ទឹកពន្លត់ព្រោះអគ្គីភ័យបានឆាបឆេះនៅជាន់ទី ៦ នៃសណ្ឋាគារញូវ យ៉ក ។ តែទោះយ៉ាងណា ក៏ដោយក៏ក្រុមកម្លាំង ពន្លត់អគ្គីភ័យខិតខំយកចិត្តទុកយ៉ាងខ្លាំងក្នុងការអន្តរាគមន៍បាញ់ទឹក ពន្លត់ ។រហូតមកដល់ពេលនេះអគ្គីភ័យបានរលត់ទាំងស្រុង ហើយក្នុងគ្រោះអគ្គីភ័យខាងលើនេះសមត្ថកិច្ចបានប្រើប្រាស់រថយន្តពន្លត់អគ្គីភ័យអស់ចំនួន ៥គ្រឿងហើយ ។ ជំហានដំបូងការខូចខាតសមត្ថកិច្ចបានបញ្ចាក់ថា កន្លែងចុងភៅធ្វើម្ហូបក្នុងសណ្ឋាគារ នឹងបន្ទប់មួយ ទៀតត្រូវអគ្គីភ័យឆាបឆេះទាំងស្រុងតែម្តង ៕